Imtehan

1.

Kosis bhi ki, khud se hi sajish bhi ki thi

Tumse madad ki gujarish bhi ki thi

Kisi ko bhulna itna aasan nahi hai lekin

Palat ke aawaz na dena ye sifarish bhi ki thi.

2.

Is ishq me dil ye aise jal gaya

Kisi ko na de sake aise pighal gaya

Kuch bhi ho jaye apne irade majboot rakhna

Ab tum bhi na le sakoge ye kuch yu badal gaya.

3.

Aag se khelna pasand hai tumko shayad

Ho sakta hai chingari bhi tumhi ne lagayi hogi

Bhool k bhi pas na aana

Lag gayi to na bujhegi fir chahe barish bhi hogi

Teachers

Kuch yu hua ki

Hame kismat ne mila diya tumse

Aur fir kismat se hame mila diya tumne

Andhera jab jab chhaya aankho ke samne

Roshni ka chirag jala diya tumne

Raho me jab jab thi uljhane

Kis rah ke pathik hai hum bata diya tumne

Man to hamara tha hi bawra

Bhatka ye jab jab behakte hue

Sachchai se rubaroo kara diya tumne

Hame to keval chalna aata tha

Jaha bhi pahuche jaise bhi pahuche

 Pahuche na hum khud pahucha diya tumne  

Kuch to asar hai tera jarur

Hamari jindagi ke panno pe

Jo yo hi palat rahe the

Vajood ka ehsas kara diya tume

Kuch yu hua ki

Hame kismat ne mila diya tumse

Aur fir kismat se hame mila diya tumne

THIS IS FOR MY 'GURU'

Tanhaiyo me

1.

Tamanna na rahi uski jiski hame talas thi,

Fir bhi itna to jaroor kahte hai,

Mohabbat had se jyada thi,

Jab parchhai uski mere pas thi,

Na kisi ne kisi ko dhoka diya,

Na kisi ne kisi ko ruswa kiya,

Bas u samajhiye

Hame uski par use kisi aur ki aas thi;

2.

Dil me hai andhera

To ujale ki rah me kyo baithe ho,

Chhupa hai savera to uske intzar me kyo baithe ho,

Yaha kitno k jakhm hare hai abhi

Aur aap bhare jakhmo k daag liye baithe ho;

3.

Door hi karna tha to

Pass kyo laya e khuda,

Janta tha jab tu

Ji na payenge ham hoke juda,

Takdir aajmani thi hamari to

Sukhe patto ki tarah fek dete,

Pata chal jata tujhko bhi jab

Ek hi aag me jal k ham dono,

Jab ho jate gumshuda,

Door hi jab karna tha

to pas kyo laya khuda;

4.

Aaj tanhayi me phir wo sham yad aaya,

Do pal ke liye hi sahi gam ko bhulane wala,

Wo madhoshi bhara jam yad aaya,

Kuch kah dete to shayad

Ye gam kam bhi ho jata,

Hotho pe lafz adhure rah gaye,

Jab unke inkar ka paigam yad aaya,

5.

Hame to ye bhi malum na tha,

Ki ham kis rah pe chal rahe the,

Maine to unhe keval sapne bataye the,

Unhone manjil ka pata bhi bata diya;

Do boond aasu chahiye the bujhane ko,

Jis aag me ham jal rahe the,

Shole shayad dikh gaye the unko,

Unhone jheel ka pata bhi bata diya;

Dil ki aarjoo abhi puri kaha hui thi,

Bhale he jaam gale pe fisal rahe the,

Khwahish shayad pata chal gayi unko,

Unhone mahfil ka pata bata bhi bata diya;

Aakhir aisa kyo hota hai?

Aaj ki subah

Meri is duniya me

Hazaro rang layi

Sochta hai man mera

Aakhir aisa kyo hota hai

Dil ko bandh k rakho apne

To fir dil rota hai

Paraye lagne lagte hai apne

Rat din aate hai 

Unke hi sapne

Sochte hai ham unke hi bare me

Dhudhte hai ham chupke chupke

Apni jagah

Unki aakho k kajrare me

Kabhi kabhi to ye dil

Aapa bhi khota hai

Aakhir aisa kyo hota hai

Kuch khas hai unke chehre me

Ye baith gaya hai dil k gahre me

Kabhi kabhi to sapno me

Unka ehsas hi hota hai

Aakhir aisa kyo hota hai

Abhi hai meri neend khuli

Kya dekha maine sapno me

Kya mai dhundh raha tha

Kisi apne ko apno me

Kabhi kabhi aisa bhi hota hai

Par aisa kyo hota hai

Berojgar

Sadko ki dhool bani hai

Mere pairo k aabhushan

Har pag pag chalne par

Udate hai dhool k jagmag kan 

Par de na saku mai inhe koi aakar

Kyoki mai hu ek berojgar

Jyo jyo mai badhta hu mai aage

Lakshya mera lagta hai door

Lakshya bana sakta hu kya mai

Mai to waise hi hu majboor

Dil me mere bhi uthte hai gubar

Par kah na saku kisi ko ek bar

Kyoki mai hu ek berojgar

Yah to mujhe swayam hi nahi malum

Ki mer jivan ka maksad kya hai

Jine ko mai ji lunga mai yu hi

Par jina isi tarah nirapad hai

Chal raha hu mai yu hi lagatar

Apane jivan ko man achal

Fir bhi mai bhi hu manav hi

Hoti hai mere dil me bhi halchal

Par is halchal ko samjho bekar

Kyoki mai hu ek berojgar

Sharir par mere padti rahti hai gard

Par jane na koi is dil ka dard

Til til kar mar jaunga mai isi prakar

Yadi mai bana raha jivan bhar isi tarah

Nirbal nisshay berojgar 

My Valentine

“Aajkal yu hi baithe baithe gum ho jata hu,

Ab mai mai nahi rahta tum ho jata hu.”

Teri chup chup si aankho me,

Mai jane kya kya padh jata hu,

Tere hotho k mand mand muskano me,

Mai jane kaha kho jata hu,

In gulab ki pankhudiyo ko chhookar,

Tere sparsh ka ehsas hua,

Sayad mujhko tujhse pyar hua;

Teri un bheegi bheegi yado me,

Ab bhool mai khud ko bhi jata hu,

In bechain si rat ke madhdham swapno me,

Tere sang jane kitni ghadiya mai ji jata hu,

Ab lagta hai sadiyo se lamba,

Tera do pal ka intzar hua,

Sayad mujhko tujhse pyar hua;

Us sham me jane kya jadoo tha,

Jab dil mera bekaboo tha,

Lafz bhi dil se chhoot gaye the,

Halak se bol bhi foot gaye the

Aur mohabbat ka ijhar hua,

Sayad mujhko tujhse pyar hua;

Sach me,

“Aajkal yu hi baithe baithe gum ho jata hu

Ab mai mai nahi rahta hut um ho jata hu.”

The Beggars

Ek din mai raste se ja raha tha,

Sadak k kinare ek bhikhari,

Mujhe dekh muskura raha tha,

Dhool me sana chithdo me lipta,

Laga ki wo maut ka karib ja raha tha;

Tan dhakne ko wastra na tha,

Shayad garibi ko katne ka astra na tha,

Mujhe laga ye adhnanga bhikhari,

Samaj ko chidha raha hai;

Mano yu kah raha ho ki,

Mujhe dekho mai kitna sukhi hu,

Kahne ko mai bhale hi dukhi hu,

Are mere such ko pahchanega kaun,

Mai kitna sukhi hu ye janega kaun;

Samaj to yahi kahega,

Maine keval manushya ka roop paya hai,

Jara dekho to insaan hai ya chaupaya hai,

Parantu ye yah nahi jante,

Jo khud ko manushya kahte hai,

Wo khud ko nahi pahchante hai;

Inhe samjhane ka mujhe kya haq hai,

Ye jo kaenge wahi sach hai,

Is nisparsh anubhav ko pahchanega kaun,

Mai khus hu ye janega kaun,

Kyoki hamari masti ham hi jante hai,

Manushya ki vishesta hai ye ki,

Wo swayam ko nahi pahchante hai;

Mera na koi ghar hai na dwar hai,

Apna to alag hi sansar hai,

Samaj me na maine kuch khoya na paya,

Is duniya me maine keval sapne sanjoya,

Agar bhikhmanga hona paap hai to,

Insaan ka insaan hona abhishap hai,

Ye  yah manushya nahi jante hai,

Kyoki jo khud ko manushya kahte hai,

Wo khud ko nahi pahchante hai;

Nasha

Mohabbat k nashe se tu wo jam bana,

Jisme us rukhsar ka hasin chehra najar aaye,

Par jindgi ka maza to us paimane me hoga,

Agar us najneen k sath tu bhi

Us paimane me najar aaye;

Hosh me aakho se aasoo nahi chhalakte,

So hosh me aake wo haseen jindgi bekar na kar,

Us katil ko bhi hai intzar tera

Uski mohabbat ko yu bekarar na kar;

Imtihan ki ghadiya puri hongi,

Gamo ka tere na nam-o-nisha hoga,

Wo aagosh me tere, tu uske

Aasmaa se pare jannat hi tera jaha hoga;

Us waqt ka jara intzar tu kar,

Thahar jara mohabbat ka deedar tu kar,

Paimane me tere jo hai jam bacha,

Use utar halak se

aur sapno ki duniya pe aitbar tu kar.